Ma waxaa jirta magaalo aan xabad ka dhacayn sidaa waxaa yiri Warfaa.

Warfaa Waxuu jiraa 20sano ma aaminsana in caasimadaha aduunku ay degan yihin, layaab malaha in uu sidaa u fakeraa Warfaa waayo waxaa uu la kulmay Caasimadii Soomaliya oo ay xabadu ka ifayso magacyo badana loo yaqaan, haddii uu si kaduwan wax u arki lahaa waxaa uu daris la yahay Geedi oo 45 jir ah aana weligiis arag magaalo ka horeysay Muqdisho.

Mar Warfaa uu Idaacadaha muqdisho ka maqlay iyadoo ka sheekaynaysa in mudaaharaad uu ka dhacay magaalada soul ee wadanka kuuriya. boolisna ay kala ceyriyeen dadkii halkaas isugu soo baxay ayuu fahmi kari waayay in dad jooga magaalo oo waliba gaaraya kudhowaad 15000 oo qof inta ay isu soo baxeen ay kala ceyrsheen dad la yiraahdo Booliis, Warfaa oo la yaabay sheekadaas ay sheegtay Idaacada ayaa mar qura soo dhex dhigay dad odayaal ah oo uu ku jiro Geedi waxaana uu yiri sidee ku dhacday.  

Geedi ayaa waxaa uu ku yiri malaha waa dad weli ku jira kaymaha oo aan helin wax hub ah, ama waa dad laga adkaaday  oo looma ooyaan ah.

Oday horey u ahaa sargaal sare laakiinse mudadii dagaalka sokeeye iska ahaa shaqo la’aan dhinacna ka fadhiyay meesha sheekada ka socotay oo ah meel biibito ayaa waxaa uu yiri dadkaas waxaa ay leeyihiin Dowlad oo Booliska waa ciidamada nabadgelyada oo ay lee dahay dowlada kana shaqeeya nabad gelyada wadankooda, Geedi ayaa yiri Dowlad soo maha tii aan iska ridnay.

 Odayga ayaa yiri haa, Geedi ayaa yiri oo may iska ridaan wuxu wax rag ah ma aha miyaa. Odayga oo ka gaabsanaya in Geedi uu ku caroodo maadaama uu markaas gacanta ku haystay qori AK47, ayaa yiri ma aqaan waxa ay uridi la’ yihiin.  

Warfaa ayaa yiri war nagadaa wuxu ma aha wax jira, inta istaagay ayuu cirka u riday AK47 dhowr xabadood. Nin meesha marayay oo yiqiin Warfaa ayaa yiri war Warfaa Magaalada xabada ka daa’. Warfaa ayaa yiri oo magaalo aan xabad ka dhacayn miyaa jirta. Waa runtii waayo waxaa uu magaalada soo galay iyadoo ay ka dhacaysa xabad, dadkuna qaxayaan, wuxuuna aaminsan yahay in uu ku joogo magaalada Qorigiisa.

Geedi ayaa yiri ma jirto magaalo aan xabad ka dhacayn laakiinse ma aqaan kuwaas haddeer idaacada laga sheegayay oo ay iska ceer ceersanayaan Booliska, anaga Boolis iyo koolis midna ma naqaan Qorigaan ayaan naqaan. Meesha ayaana lagu kala tagay. Iyadoo weli warfaa iyo Geedi ayan  fahmin in magaalooyinka aduunka Degan yihiin.